Deputetët edhe bukën e kanë të paguar nga buxheti i shtetit (Dokument)

Deputetët e Kuvendit, pos pagës mujore, mëditjeve, mbushjeve telefonike e kompensimeve për naftë, ata përfitojnë para edhe për ushqim.

Bazuar në vendimin e vitit 2011, të gjithë deputetët përfitojnë nga 5 euro për shujtën ditore.

“Për shpenzime ditore të deputetëve ndahen nga 5 euro për ditë punë”, thuhet në vendimin për kompensimin të deputetëve për shpenzime ditore.

Një numër i madh i deputetëve, 36 prej tyre të partisë në pushtet kanë përfituar shumë të mëdha parash për kompensimin për shpenzime në karburante. Disa prej të cilëve jetojnë në Prishtinë.