Kuvendi i LDK-së në Podujevë nën masa të rrepta sigurie

Siç edhe kemi raportuar më herët sot mbahet Kuvendi i Degës së LDK-së në Podujevë ku do të jetë vetëm pika e rendit të ditës shkarkimi i Agim Veliut nga kryetari i degës, transmeton PodujevaPRESS.net

Në disa foto të publikuara nga pronari i restaurantit ku do të mbahet Kuvendi shihen pjestarë të sigurimit, të cilët do të kujdesen për mbarvajtjen e takimit.

Sipas asaj çka kemi arritur të kuptojmë asnjë person tjetër përpor atyre që janë delegate nuk kanë mundësi të hyjnë brenda,

Kujtojmë se Kuvendi është thirrur ekskluzivisht nga Lumir Abdixhiku për ta shkarkuar Agim Veliun si kryetar dege.

Po ashtu po këta delegate pjesmarrës do të votojnë për ta zgjedhur Ekrem Hysenin kryetar dege të LDK-së në Podujevë.

Kuvendi mbahet sot nga ora 12:00 në Iliria De Luxe dhe për këtë është vendosur mbrëmë.

Sipas informatave që posedon PodujevaPRESS, qëllimi është që sot delegatët ta shkarkojnë Agim Veliun me aklamacion.

Se a do të jetë ky fundi politik i Agim Veliut mbetet për tu parë sot.

PodujevaPRESS do të ju mbaj të informuar.