Ky është zëdhënësi i Komunës së Podujevës që u emërua sot nga Shpejtim Bulliqi

Kryetari i Komunës së Podujevës, Shpejtim Bulliqi sot ka bërë edhe emërimin e Fatri Zhitisë si Zëdhënës, njofton PodujevaPRESS.

Këtë e ka bërë të ditur vet z.Zhitia përmes një njoftimi. Ai ka njoftuar se sot ka dorëzuar mandatin e këshilltarit të Kuvendit Komunat të Podujevës, pasi që tani e tutje do të jetë zëdhënës.

Ky është njoftimi i tij:

Të dashur miq e qytetarë të Podujevës,

Dua t’ju njoftoj se sot kam dorëzuar mandatin e këshilltarit të Kuvendit Komunal në Podujevë, meqenëse sot jam emëruar në detyrën e Zëdhënësit të Komunës së Podujevës nga kryetari, Shpejtim Bulliqi.

Këtë detyrë do të angazhohem ta kryej me përgjegjësi të lartë morale e profesionale, duke punuar që institucioni i komunës të jetë transparent e i hapur ndaj qytetarëve dhe mediave.

Na priftë e mbara!