Kryetari i Podujevës Shpejtim Bulliqi u shpreh ngushllime familjeve të viktimave

Sot rreth orës 09:30, në rrugën Prishtinë-Podujevë, ka ndodhur një aksident trafiku, ku për pasojë dy persona kanë vdekur.

Lajm e ka konfirmuar Policia e Kosovës, ku po ashtu është bërë e ditur se në këtë aksident kanë qenë të përfshira tri automjete.

E për këtë rast ka reaguar kryetari i Podujevës, Shpejtim Bulliqi.

Ai përmes një postimi në facebook ka shkruar se; “Me pikëllim të thellë pranuam lajmin për vdekjen e dy personave në aksidentin tragjik në mëngjesin e sotëm në Lupç, në të cilën mbetën të lënduar edhe nëntë persona të tjera”.

Bulliqi u ka shprehur ngushëllimet më të sinqerta familjeve të viktimave, kurse të lënduarve ju uroj shërim të shpejtë!