Reagon dega e LDK-së në Podujevë, thonë se VV-ja ka marrëveshje me PDK-në e AAK-në

LDK nuk i’a bënë numrat një pushteti që po tenton t’i fsheh partnerët dhe hisedarët e vërtetë të fitores. Grupi i Këshilltarëve të LDK-së, në kuvendin e Komunës së Podujevës, sot ka lëshuar sallën e kuvendit, e cila ishte thirrur nga kryetari i komunës për të tentuar pastrimin e fitores të cilën e arriti përmes marrëveshjeve të fshehta, thuhet në njoftimin e kësaj partie, transmeton PodujevaPRESS.net

Mes tjerash në njopftim thuhet se: “LDK fton partinë fituese që numrat në kuvend t’i bëj me partnerët dhe hisedarët e vërtetë të fitores së saj dhe t’i tejkalojnë ndasitë që kanë për ndarjen e pushtetit.

LDK-Podujevë, gjithashtu i bënë thirrje kryetarit të komunës, që mos të thërret seanca dëgjimore, ku flet vetëm ai, e të cilat të vetmin qëllim e kanë tentimin për manipulim të opinionit publik”.

Ata thonë se qytetarët e Podujevës dhe më gjerë, i dinë shumë mirë pronarët e fitorës së tij, ndaj i kërkojmë që mos t’i fshehë marrëveshjet të cilat e mbajtën në pushtet.

Dhe krejt në fund, barra për konstituimin e kuvendit bie mbi partinë fituese.

LDK do të qëndrojë në opozitë dhe do të jetë e gatshme për të shtyrë përpara secilin projekt që është në të mirë të përgjithshme, përfundon njoftimi.

Por edhe gjatë seancës shefi I grupit të LDK-së Valon Demolli tha se VV-ja ka marrëveshje me PDK-në dhe AAK-në dhe se LDK-ja do ta lëshojë seancën.

Është interesant fakti se në foton e publikuar nga LDK mundon një asambleistë, se a ka probleme mes grupit apo jo mbetet të shihet ditëve në vijim.