Komuna e Podujevës shpërndau kontratat për përfituesit fermerë në profile të ndryshme

Në kuadër të memorandum bashkëpunimit të nënshkruar mes Komunës së Podujevës dhe Organizatës “Qatar Charity” muaj më parë, përfituan 15 fermerë Serra 120m2 dhe 6 fermerë me nga 8 shoqëri bletësh dhe pajisje pune, ndërsa sot u bë shpërndarja e kontratave për 44 përfituesit fermerë për dele, kosë, frezë, lopë qumështore, kultivatorë me frezë, kosë dhe kultivatorë me frezë, kosë dhe rimorkio.

Shpërndarjen e kontratave e bëri kryetari i Komunës së Podujevës, Shpejtim Bulliqi bashkë me përfaqësuesin e organizatës “Qatar Charity”.

Kryetari u shpreh i lumtur që çdo ditë e më shumë po arrijnë të realizojnë projekte për të përkrahur fermerët llapjanë, dhe njëkohësisht uroi edhe të gjithë përfituesit e këtij projekti.

“Uroj të gjithë fermerët përfitues, duke shpresuar që sado pak do të ju ndihmojmë në rritjen e ekonomive familjare dhe në lehtësimin e punës për përpunimin e tokës” tha kryetari Bulliqi.

Kryetari Bulliqi gjithashtu falënderoi përfaqësuesin e organizatës, “Qatar Charity”, për bashkëpunimin e vazhdushëm me Komunën e Podujevës dhe për projektin në fjalë, i cili do të ndikojë drejtpërdrejt në familjet e fermerëve.