Pasi Besnik Tahiri tha se Zona Ekonomike në Podujevë po bëhet, reaguan deputetët llapjanë të Vetëvendosjes!

Zona Ekonomike e Podujevës hyri në Buxhetin e 2022, ka shkruar në një status deputeti Besnik Tahiri, transmeton PodujevaPRESS.

Tahiri ka shkruar se; “Në kuadrin e amandamentimit të projektligjit për Buxhetin 2022, Komisioni për Buxhet, Punë dhe Transfere, ka aprovuar amandametin tim, për Zonën Ekonomike në Livadicë/Merdar”.

“Ashtu, siç jam zotuar publikisht, që në çdo pozicion e kapacitet, do të angazhohem që t’i hapë prespektivë zhvillimore Podujevës. Unë humba garën, por fitova motivin nga njerëzit që së bashku t’i japim drejtim zhvillimit.

Në çdo mundësi, do të punoj pa ndal që Llapit t’i jepet ajo që meriton, ta bëjmë portën e zhvillimit. Ky është hapi i parë i rëndësishëm, nuk do të ndalemi”, ka thënë deputeti Tahiri.

Por i menjëhershëm ka qenë reagimi i përbashkët i deputetëve llapajnë nga Vetëvendosje.

Ishte Driton Hyseni ai që në emër të deputetëve tjerë ka thënë se; “Me këtë postim dua të njoftoj kolegun nga AAK, vendasin tim Besnik Tahiri, se partia e tij mbrëmë në komisionin parlamentar nuk ka votuar për projektligjin për buxhetin e shtetit”.

Hyseni po ashtu ka deklaruar se; “amendamenti i kaluar mbrëmë në komision për zonën ekonomike të Podujevës është i deputetëve të Lëvizjes Vetëvendosje, saktë me shumën e planifikuar për fillimin e punimeve, ashtu siç janë edhe disa amendamente tjera për Llapin e Kosovën, që posa të miratohet buxheti edhe në lexim të dytë, do ti bëjmë publike”.

Ky është poshtimi i tyre:

Podujevë, Urime Zona Ekonomike

Me këtë postim dua të njoftoj kolegun nga AAK, vendasin tim Besnik Tahiri, se partia e tij mbrëmë në komisionin parlamentar nuk ka votuar për projektligjin për buxhetin e shtetit.

Gjithashtu, amendamenti i kaluar mbrëmë në komision për zonën ekonomike të Podujevës është i deputetëve të Lëvizjes Vetëvendosje, saktë me shumën e planifikuar për fillimin e punimeve, ashtu siç janë edhe disa amendamente tjera për Llapin e Kosovën, që posa të miratohet buxheti edhe në lexim të dytë, do ti bëjmë publike.

Sidoqoftë, e rëndësishme këtu nuk janë emrat e përveçëm, është kontributi që japim për Podujevën dhe mirë që jemi të shumtë në numër në parlament dhe kemi mundësi që Llapit e Kosovës t’i shërbejmë ashtu siç duhet.