Komuna e Podujevës dhe AZHR-ja ndihmojnë gratë llapjane me pajisje bujqësore

Zyrtarët komunalë të Podujevës dhe të Agjencionit për Zhvillim Rajonal ua kanë dhuruar disa grave përfituese pajisje për bujqësi e blegtori. Kjo ndihmë është dhënë në emër të projektit “Parkrahje dhe fuqizimi i grave në agrikulturë”.

“Në kuadër të marrëveshjes së nënshkruar javë më parë mes Komunës së Podujevës, saktësisht nga Drejtoria për Planifikim dhe Zhvillim Ekonomik dhe Agjencioni për Zhvillim Rajonal (AZHR) sot u bë shpërndarja e pajisjeve të projektit ‘Përkrahja dhe fuqizimi i grave në agrikulturë’ “.

Në ceremoni të shpërndarjes mori pjesë kryetari i Komunës së Podujevës, Shpejtim Bulliqi dhe drejtoresha ekzekutive e AZHR-së, Mrika Gashi”, thuhet në njoftimin e Zyrës për informim të Komunës së Podujevës.

Sipas të njëjtit, furnizimi i pajisijeve ka për qëllim të realizimit të këtij projekti dhe fuqizimin ekonomik të grave të komunës së Podujevës, angazhimin në fushën e bujqësisë, blegtorisë dhe agrikulturës në përgjithësi.

“Vlera totale e ndarë për këto grante është 16 mijë e 500 euro, ndërsa vlera e një granti do të jetë nga 1000-1500 euro në të cilin përfshihen pajisje për punë. Kryetari Bulliqi uroi të gjithë gratë përfituese duke u uruar punë të mbarë, dhe njëkohësisht u zotua që Komuna do të vazhdojë t’i përkrah ato edhe në të ardhmen me qëllim të fuqizimit të tyre. Kryetari Bulliqi falëndëroi edhe drejtoreshën ekzekutive e AZHR-së, Mrika Gashi, duke shprehur gatishmërinë për bashkëpunim edhe në projektet e radhës”, thuhet tutje në njoftim./KOHA.net/