Urimi i kryetarit të Podujevës, Shpejtim Bulliqi për nder të festës së 28 nëntorit

Kryetari i Komunës së Podujevës, Shpejtim Bulliqi ka uruar të gjithë qytetarët me rastin e festës së 28 nëntorit, transmeton PodujevaPRESS.

Bulliqi ka shkruar se; “Në ditë feste si kjo, obligohemi më tepër duke përkujtuar sakrificat shekullore të popullit tonë për liri e pavarësi e për ecjen përpara, që duhet ta bëjmë.

Nga zemra ua uroj festën kombëtare të Pavarësisë së Shqipërisë gjithë popullit shqiptar”.

Ky është postimi i tij:

Të dashur bashkëkombas,

Përpjekja jonë kombëtare për liri e pavarësi u kurorëzua pjesërisht para 109 vitesh me pavarësimin e Shqipërisë.

Sot shqiptarët përkundër se të ndarë në shtete, gjenden në pozita shumë më të favorshme, por misioni ynë duhet të vazhdojë përditë deri në realizimin e aspiratave kombëtare.

Në ditë feste si kjo, obligohemi më tepër duke përkujtuar sakrificat shekullore të popullit tonë për liri e pavarësi e për ecjen përpara, që duhet ta bëjmë.

Nga zemra ua uroj festën kombëtare të Pavarësisë së Shqipërisë gjithë popullit shqiptar! ??

Me respekt,

Shpejtim Bulliqi