Vdes mamia llapjane Sanije Topanica, iu ndihmoi grave në lindje gjatë luftës
Këtë shërbim tani mund ta kryeni në Gjykatën Themelore të Prishtinës dega në Podujevë
Shërbimet e Ndërmjetësimit tani të disponueshme edhe në degën e Gjykatës në Podujevë, thuhet në njoftimin e Gjykatës Themelore në Prishtinë, transmeton PodujevaPRESS.
Gjykata Themelore në Prishtinë është e përkushtuar të përmirësojë qasjen në drejtësi për qytetarët dhe bizneset.
Për të mundësuar qasje më të lehtë për palët që kanë iniciuar raste në gjykatë dhe që dëshirojnë të përdorin Ndërmjetësimin, Gjykata Themelore në Prishtinë ofron shërbimet e ndërmjetësimit brenda hapësirave të gjykatës. Zyra e Ndërmjetësimit në gjykatë është zyre e dedikuar për administrimin e rasteve të referuara dhe zhvillimin e seancave të Ndërmjetësimit.
Duke parë interesimin dhe nevojën që këto shërbime të ofrohen edhe nëpër degë, Gjykata Themelore në Prishtinë ka inkorporuar shërbimin e Ndërmjetësimit dhe funksionalizuar zyrat e Ndërmjetësimit në degën e gjykatës në Lipjan dhe Podujevë. Qytetarët tani kanë mundësinë që të ndërmjetësojnë rastet e tyre edhe në këto gjykata.
Përveç pranisë fizike në zyrat e Ndërmjetësimit, seancat e ndërmjetësimit mund të zhvillohen në mënyrë virtuale (online) përmes platformave që ju përshtaten palëve dhe ndërmjetësuesit.
Inkurajojmë qytetarët dhe bizneset që mosmarrëveshjet t’i zgjidhin përmes procesit të ndërmjetësimit si proces i besueshëm dhe i suksesshëm.
