Drejtori i deritashëm i Urbanizmit Bujar Hasani ka një mesazh për qytetarët e Podujevës

Drejtori i deritashëm i Urbanizmit në Komunën e Podujevës ka bërë të ditur se ai në konsultim me kryetarin Shpejtim Bulliqi nga sot nuk do të jetë më në krye të kësaj drejtorie, njofton PodujevaPRESS.net

Hasani ka shkruar se fillimi i kësaj detyre nuk ishte i lehtë për te, sepse aty siç ka shkruar ai “kishte gjetur probleme e parregullsi të grumbulluara ndër vite, por me përkushtimin e tij maksimal dhe kurajon e vullnetin e dhënë nga kryetari dhe kolegët e ekzekutivit, ja kemi arritë që të punojmë e të realizojmë shumë projekte të dobishme për Llapin”.

Ai ka falendëruar qytetarët për siç ka thënë “falenderues secilit qytetar të Podujevës,të cilët më përkrahën dhe më respektuan edhe atëherë kur nuk kisha mundësi të iu kryej shërbim”.

Pas këtij shkrimi z.Hasani ka marr qindra mesazhe falenderimi e respekti nga qytetarët por edhe nga zyrtarët e partive të ndryshme që veprojnë në Podujevë.

Ky është shkrimi i tij:

Të dashur qytetarë të Podujevës, të nderuar aktivistë e anëtarë të Vetëvendosjes!, në dhjetor të vitit të kaluar, nga Levizja Vetëvendosje, e cila kishte fituar zgjedhjet e parakohshme lokale në Podujevë, m’u ofrua mundësia  të jap kontributin tim profesional në krye të Drejtorisë së Urbanizmit…

Fillimi i kësaj detyre nuk ishte i lehtë sepse aty gjeta probleme e parregullsi të grumbulluara ndër vite, por me përkushtimin tim maksimal dhe kurajon e vullnetin e dhënë nga kryetari dhe kolegët e ekzekutivit, arritëm që të punojmë e të realizojmë shumë projekte të dobishme për Llapin.

U jam mirënjohës dhe falenderues secilit qytetar të Podujevës,të cilët më përkrahën dhe më respektuan edhe atëherë kur nuk kisha mundësi të iu kryej shërbim.

Gjithashtu u jam mirënjohës gjithë kolegëve të drejtorisë dhe punëtorëve të administratës komunale për bashkëpunimin dhe korrektësinë që kanë treguar me mua.

Më lejoni që përmes këtij shkrimi, në konsultim me Kryetarin Bulliqi të ju njoftoj se nga sot, kam përfunduar detyrën time në krye të Drejtorisë së Urbanizmit.

Duke uruar punë të mbarë e suksese në mandatin e ri, Institucionit të Komunës i shpreh gatishmërinë time vullnetare që të jap këshilla profesionale në fushën e urbanizmit, kurdo që është e nevojshme në shërbim të qytetarëve llapjanë.

Bujar Hasani