Bien temperaturat, parashikimi i motit për ditët e ardhshme

Mbetet mot i qëndrueshëm, me vranësira e diell edhe në ditët e ardhshme. Të premten më ftohtë.

Sipas Prishtina Weather deri në fundjavë vazhdon të mbetet mot i qëndrueshëm, me më shumë vranësira dy ditëve të ardhshme, e ditën e diel me më shumë diell. Orëve të mëngjesit përgjatë ultësirave paraqiten kushte edhe për mjegull. Ditën e enjte përreth viseve malore nuk përjashtohen mundësi edhe për riga lokale shiu.

Javën e ardhshme, mund të kemi ndryshim të situatës sinoptike, me mundësi edhe për reshje shiu.

Indeksi i cilësisë së ajrit do të jetë kryesisht në vlera të dobëta dhe shumë të dobëta, e gjatë mbrëmjes së ditës së enjte dhe të premten mund të ketë qarkullim të mjaftueshëm ajror, që vlerat e çastit do të jenë në mesatare apo edhe të pranueshme.

18.11 – Kryesisht me vranësira. Pasdite përreth viseve malore në perëndim të vendit mundësi për riga lokale shiu.

19.11 – Më ftohtë, me vranësira dhe intervale me diell.

20.11 – Paradite me vranësira, e gjatë ditës kthjellime.

21.11 – Kryesisht me diell. Në mëngjes përgjatë ultësirave mjegull, e vende-vende edhe ngrica.

22.11 – Gjatë ditës vranësirat do të shtohen, e vende-vende priten mundësi për riga lokale shiu.

Temperaturat minimale luhaten nga 3C deri 5C, por ditën e diel zbresin edhe në 0C, e maksimalet pas një rënie të premten edhe në 8C, në fundjavë luhaten nga 12C deri 13C.

Do të fryjë erë e lehtë dhe mesatare nga verilindja 3-10m/s.

Shtypja atmosferike me tendencë të rritjes lartë mbi vlera normale.