Vazhdon rritja e çmimeve, prej sot në Podujevë hamburgerët dhe burekët janë më shtrenjtë

Në Kosovë së fundmi është duke u vërejtur rritje e çmimeve të produkteve të konsumit, transmeton PodujevaPRESS.net

Sipas të dhënave të Agjencisë së Statistikave të Kosovës (ASK) indeksi i harmonizuar i çmimeve të konsumit tregon për rritje të çmimeve për 2.4 për qind në muajin qershor, krahasuar me qershorin e vitit të kaluar.

Ndërkaq, inflacioni mujor i matur nga indeksi i harmonizuar i çmimeve të konsumit, sipas ASK-së ishte i pandryshuar në muajin qershor 2021, krahasuar me muajin maj 2021.

Ngritje më e madhe në çmime është vërejtur te vajrat dhe yndyrat ushqimore.

E pikërisht kjo ka bërë që çmimi i një hamburgeri që ishte 1 euro sot është bërë 1,30 cent.

Poashtu edhe burekët në shumicën e furrave të Podujevës të cilët ishin 0,70 cent ose 0,80 cent tani janë bërë 1 euro por edhe 1,20 cent.

Kjo gjë ka shkaktuar reagime të mëdha tek qytetarët të cilët kanë thënë se me pagat që marin zor se do arrijnë ta mbyllin muajin.