Podujevë: Një person i arrestuar nga policia për dhunë në familje

Pesë burra janë arrestuar në 24 orët e fundit për raste të dhunës në familje. Në të gjitha rastet viktima kanë qenë gratë.

Një rast është në Podujevë.

Sipas raportit 24-orësh të Policisë së Kosovës, në Podujevë është arrestuar një burrë që më 10 tetor kishte ushtruar dhunë fizike dhe kishte kanosur bashkëshorten e tij.

Raporti i Policisë bën të ditur se si pasojë e dhunës dhe frikës, gruaja bashkë me dy fëmijë ishte larguar nga shtëpia pasi ishte ndier e rrezikuar.

Pas intervistimit, i dyshuari është dërguar në mbajtje.