Lajmet e rrejshme po dominojnë në rrjetet sociale në Podujevë, në këtë kohë të zgjedhjeve lokale

Sikurse në çdo pale zgjedhje, edhe këtë vitë janë shtuar faqet të cilat promovojnë lajme të rrejshme apo siç njihen si “FAKE NEWS”, transmeton PodujevaPRESS.net

Lufta për pushtet si duket i ka mobilizuar militantët e subjekteve politike në Podujevë që të fillojnë edhe luftë propagandistike në rrjetet sociale.

Ata nuk kanë zgjedhur mjet as form por kanë plasuar informata nga më të ndryshmet për opinionin.

Kryesisht janë disa faqe në Facebook të cilat përmes sponzorizimit mundohen të arrijnë audiencë sa më të madhe, e me anë të kësaj të tentojnë që të ndikojnë edhe tek votuesit.

Ekipi i PodujevaPRESS ka hulumtuar disa prej këtyre faqeve e që janë duke bërë fushatë disa për LDK-në e disa për subjektin tjetër VV-në.

Përmes këtyre faqeve tendohet të denigrohen figura apo persona të cilët kanë pozita në subjektet e lart përmendura duke plasuar info të paverteta.

Kemi pasur rastin kur pas fasadimit të objekteve banesore në sheshin e Podujevës, Drejtoria e Urbanizmit ka vendosur ta ndrrojë foton e ish Presidentit Rugova duke porositur një foto të re pasi që ajo e vjetra ishte dëmtuar nga koha. E pikërisht kjo kohë ishte shfrytëzuar nga faqe që përkrahin LDK-në të përhapnin dezinformata se aty do të vendosej fotoja e akademikut Rexhep Qosja, duke tentuar të ndikonin tek elektorati që ka nostalgji për Ibrahim Rugovën.

Rasti tjetër që po bëhet nga faqe që janë duke promovuar VV-në, ka të bëjë ku kandidatin e Lidhjes Demokratike Ekrem Hysenin e paraqesin si njeri i siç thon ata “I kapur” nga PDK-ja duke paraqitur disa foto të tij me profesorin Hajredin Kuqi dhe me ish deputetin Haxhi Shala. Apo edhe ato se Agim Veliu dhe Ekrem Hyseni po bëjnë fushatë së bashku. E që fotot reale janë nga faqja e Agim Veliut të bëra në zgjedhjet nacionale të 14 shkurtit. Janë këto foto të bëra shumë kohë më pare por që tani paraqiten duke tentuar ndikimin përmes tyre në opinon por edhe tek votuesit e pa përcaktuar.

E ajo më skandalozja ishte kur edhe vet kryetari në detyrë Shpejtim Bulliqi në në television ka paraqitur disa foto që pastaj i ka publikuar edhe në faqen e tij zyrtare, për gjoja se ekipa e kandidatit të LDK-së I ka shpërndar këto foto nëpërmes rrjeteve sociale duke u thënë qytetarëve se ky në foto është vet Shpejtim Bulliqi.

Këtë e ka demantuar vet z.Hyseni i cili ka thënë se ai nuk ka kohe të merret a as që e ka në kulturën e tij të bëjë gjëra të tilla.

Në këtë luftë lajmesh të rrejshme nuk i ka shpëtuar as PodujevaPRESS.net, ku tani një faqe që paraqet lajme në favor të LDK-së po e keqpërdor emrin tonë, për çka kemi reaguar por edhe kemi njoftuar organet e rendit që të marrin masa ndaj këtyre vetive negative.

Si i është ndërruar emri i faqes disa herë.

Më posht keni edhe reagimin e Komunës së Podujevës pasi u tha se VV-ja po bartë votues me vetura zyrtare.

Reagimi i Komunës së Podujevës:

Poashtu lajmi se Shpejtim Bulliqi ka bërë marrëveshje me Listën Guxo për tu bërë pjese e tyre, gjoja se posa të fitojë si kryetar komune.

Tani më kur edhe po i afrohemi balotazhit, lufta në rrjetet sociale do të bëhet edhe më e ashpër, por sa do të ndikojnë tek votuesit këto, metet të shihet në fund. /PodujevaPRESS.net/