Një qytetar tenton të arratiset në Pallatin e Drejtësisë, policët hetues të stacionit të Podujevës i hidhen pas dhe e arrestojnë

Një qytetar tenton të arratiset në Pallatin e Drejtësisë, policët hetues të stacionit të Podujevës i hidhen pas dhe e arrestojnë

Një ngjarje e pazakontë ka ndodhur sot në Pallatin e Drejtësisë në Hajvali.

Një qytetar ka tentuar të arratiset në oborrit e Pallatit në momentin kur ishin inicuar procedura ndaj tij.

Indeksonline ka siguruar pamjet kur qytetari tenton të arratiset me vrap.

Por, nuk ka vonuar shumë dhe policia e ka kapur atë në rrugën e Pallatit të Drejtësisë duke e arrestuar atë pak metra pasi kishte kaluar rrethojat e sigurisë.

Ja raporti i policisë:

Arrestohet një person i kërkuar për veprën dhunë në familje

Prishtinë, 25 gusht 2021 – Drejtoria Rajonale e Policisë Prishtinë, ka ndërmarrë të gjitha masat e nevojshme policore për të siguruar rendin dhe qetësinë publike në rajonin e Prishtinës, dhe kjo duke punuar me vendosmëri dhe përkushtim për kapjen e personave që dyshohen të jenë të implikuar në veprimtari kriminale, dokumentimin ligjor të veprimeve të tyre kriminale si dhe vënien e tyre para drejtësisë.

Si rrjedhojë e këtyre angazhimeve, sot nga hetuesit policor të stacionit të Podujevës, në afërsi të Pallatit të Drejtësisë, përkundër tentativave për ikje,  është arrestuar një person i dyshuar.

Personi i dyshuar:

– U. N,  mashkull, shtetas i Republikës së Kosovës, ka qenë në kërkim nga ana e policisë, për një rast të dhunës në familje që ka ndodhur me datën 21.08.2021,  në fshatin Bervenik të Podujevës.

I njëjti me rekomandim të prokurorit të shtetit është dërguar në qendrën e mbajtjes, për veprën dhunë në familje.