Blerim Maqastena publikon një video me pranga në duar i rrethuar nga policia serbe

Asamblisti i PSD-së në Podujevë, Blerim Maqastena, ka publikuar një video ku shihet me i prangosur dhe i rrethuar nga forcat e policisë serbe, raporton Express

Maqastena ka treguar në Facebook se videoja është xhiruar në shkurt të këtij viti, derisa po qëndronte i burgosur në Serbi.

“Vetëm fizikisht i prangosur! 23.02.2021”, ka shkruar Maqastena.

Ndryshe, Maqastena ishte arrestuar në dhjetor të vitit 2020 për shkak të kalimit te kufirit përgjatë fshatit Mirovc të Podujevës

Në kohën kur ishte gjetur nga policia kufitare serbe atij i ishte konfiskuar edhe një pistoletë me leje, e lëshuar nga MPB-ja në Kosovë, për çka është mbajtur në paraburgim deri më 25 maj të këtij viti.