As Rusia s’mund ta shpëtoj Isa Mustafën

Deputeti i Kuvendit të Kosovës nga radhët e Lëvizjes Vetëvendosje, Rexhep Selimi ka thënë se askush nuk mund t`i mbulojë veprimet e Qeverisë në dëm të interesave të Kosovës.

“As Rusia dhe ngjarjet që kanë të bëjnë me aktivitetet agresive të Rusisë nuk mund ta mbulojnë atë çfarë Qeveria e Kosovës po e bën në dëm të interesave të Kosovës me Zajednicën dhe Demarkacionin” ka thënë Selimi.

Tutje ai ka vazhduar duke i cilësuar të marra deklaratat e dhënsit të Qeverisë, Arban Abrashi.

“Këto deklarata të marra të zëdhenësit të qeverisë nuk mund t’i hutojnë qytetarët e Kosovës të cilët po e kuptojnë përditë e më shumë se çfarë qeverie kuislinge kanë në krye të shtetit” ka përfunduar Selimi.

Ministri i Punës dhe Mirëqenies Sociale, Arban Abrashi ka shpërndarë një tekst të “The Telegraph” në të cilën sqarohen detajet se si Rusia kishte planifikuar vrasjen e Kryeministrit Milo Gjukanovic dhe pengimin e këtij vendi për t’u bërë pjesë e NATO’s.

Me këtë rast, Abrashi ka shkruar se edhe forca politike në Kosovë me apo pa vetëdije kanë përkrahur dhe kanë kontribuar në skenarët e përgatitur nga Rusia./Gazeta Blic/