Njësitet policore të Podujevës sekuestrojnë dy armë zjarri, arrestojnë pesë persona të dyshuar

Njësitet policore të Podujevës sekuestrojnë dy armë zjarri, arrestojnë pesë persona të dyshuar, thuhet në njoftimin e policisë, transmeton PodujevaPRESS.net

Sot rreth orës 17:00, kemi pranuar informatën për gjuajtje me armë në fshatin Batllavë të Podujevës.

Ka qenë reagimi i shpejtë i njësiteve policore të Podujevës, ai që ka rezultuar me ndalimin dhe arrestimin e 5 personave të dyshuar, të cilët prej dy veturave të ndryshme, dyshohet se kanë shtënë në ajër dhe janë larguar nga vendi i ngjarjes.

Vetuat e personave të dyshuar janë ndaluar në fshatin Lluzhan, ku nga ana e policisë janë gjetë dhe sekuestruar:

– një armë automatike zjarri AK-47 me 9 fishekë

– një pistoletë e tipit Ekol -T, me 5 fishekë si dhe një shkop.

Personat e arrestuar ngarrkohen me veprat shkaktim i rrezikut të përgjithshëm dhe armëmbajtje pa leje.

Ndaj tyre po kryhen procedurat e nevojshme policore në koordinim me prokurorin e shtetit.