Bulliqi: Nga java e ardhshme në Podujevë do të vaksinohen rreth 700 qytetarë në ditë

Kryetari i Komunës së Podujevës, Shpejtim Bulliqi, ka treguar se nga java e ardhshme do të fillojë vaksinimi masiv I qytetarëve, transmeton PodujevaPRESS.net

Ai përmes një postimi në facebook ka treguar se në Qendrën e Vaksinimit do të ketë 4 ekipe me dy ndërrime, gjithsej 8 ekipe, një ekip mesatarisht pritet të vaksinojë rreth 80 qytetarë. Brenda ditës pritet të vaksinohen rreth 700 qytetarë.

Ky është njoftimi:

Pas sigurimit të dozave të reja të vaksinave nga Ministria e Shëndetësisë, bashkë me drejtorin e Shëndetësisë dhe Mirëqenies Sociale, Driton Veliu dhe stafin menaxherial të QKMF, vizituam vendin ku nga java e ardhshme pritet të fillojë vaksinimi masiv për qytetarët tanë.

Ne pamë nga afër përgatitjet që janë bërë në sallën sportive të ShFMU “Xheladin Rekaliu” dhe nga aty pashë që është gjithçka gati për të filluar me vaksinim masiv të qytetarëve.

Në këtë Qendër te Vaksinimit do të ketë 4 ekipe me dy ndërrime, gjithsej 8 ekipe, një ekip mesatarisht pritet të vaksinojë rreth 80 qytetarë. Brenda ditës pritet të vaksinohen rreth 700 qytetarë.

Bashkë ia dalim!

Vaksinohu!