Reagon edhe ish-zëdhënësi i UÇK-së në Llap, Hysen Fazliu: Komandant Remi është heroi i gjallë i luftës për çlirim

Ish-komandanti i Zonës Operative të Llapit Rrustem Mustafa i njohur si Komandant Remi, para disa ditësh ka dhënë një intervistë ku ka thënë se Albin Kurti ishte bashkëluftëtar i tij, çka ka sjell edhe shumë reagime nga komandantët e tjerë, transmeton PodujevaPRESS.net

Dje kishte reagime edhe nga disa komandant të Zonës Operative të Llapit të cilët thanë se Albin Kurti asnjëherë nuk ka qenë pjesë e UÇK-së, dhe ato çka ka thënë Remi nuk qëndrojnë. Ata kanë thënë se Albini ishte vetëm një përkthyes i Adem Demaçit.

Por sot ka reaguar edhe ish zëdhënësi i UÇK-së në ZOLL, Hysen Fazliu – Ceni, i cili ka thënë se Zona Operative e Llapi është vlerësuar jo vetëm nga vendorët por edhe ndërkombëtarët që ka patur një organizim të jashtëzakonshëm në luftën për liri. Meritor për këtë është padyshim Komandant Remi i cili me sjelljen e tij karshi situatës që mbretronte në atë kohë në Kosovë ka ditur  që s’bashku me ekipin e tij Shtabin e Zonës ta drejtoj e menaxhoj me sukses luftën për liri,

Fazliu po ashtu ka thënë se në këtë përpjekje për çlirim ka patur të angazhuar mijëra njerzë të profileve të ndyshme ku në mesin e tyre ka mundur  të jetë edhe Albin Kurti kur dihet që zoti Kurti ka qenë i angazhuar në zyren e përfaqsuesit politik të UÇK -së në Prishtinë me z. Adem Demaçi e që Komandant Remi me të drejt e quan si ish pjestar i UÇK-së,bashkëluftar , pra secilit duhet ti njihet kontributi pë liri.

Ky është postimi i tij i plot:

UÇK Zona Operative e Llapi është vlerësuar jo vetëm nga vendorët por edhe ndërkombëtarët që ka patur një organizim të jashtëzakonshëm në luftën për liri . Meritor për këtë është padyshim Komandant Remi i cili me sjelljen e tij karshi situatës që mbretronte në atë kohë në Kosovë ka ditur  që s’bashku me ekipin e tij Shtabin e Zonës ta drejtoj e menaxhoj me sukses luftën për liri. Lufta nuk është bërë vetem me armë por edhe me mënyra tjera si diplomaci,logjistikë, politikë, të mobilizimit, të propagandës mbledhjeve të fondeve e forma tjera ku të gjitha këto organizime kanë qenë nën ëmbrellën e UÇK-së. Prandaj në këtë përpjekje për çlirim ka patur të angazhuar mijëra njerzë të profileve të ndyshme ku në mesin e tyre ka mundur  të jetë edhe Albin Kurti kur dihet që zoti Kurti ka qenë i angazhuar në zyren e përfaqsuesit politik të UÇK -së në Prishtinë me z. Adem Demaçi e që Komandant Remi me të drejt e quan si ish pjestar i UÇK-së,bashkëluftar , pra secilit duhet ti njihet kontributi pë liri.

Linqimet dhe fyerjet që u bënë pas kësaj deklarate janë të pa drejta dhe të liga.

Komandant Remi është heroi i gjallë i luftës për çlirim dhe i tillë do mbetet gjithëmon.

Liria ka Emër UÇK