Zhvillime të reja në LDK-në e Podujevës

Humbja e dy palë zgjedhjeve radhazi nga LDK-ja e Podujevës ka bërë që anëtarësia dhe strukturat e këtij subjekti në këtë komunë të kërkojnë reflektim nga kryetari i degës Agim Veliu, konkretisht largimin nga i pari i degës, njofton PodujevaPRESS.net

E si pasues i zotit Veliu po shihet doktori Ekrem Hyseni i cili në zgjedhjet e fundit nuk mundi të bëhet deputet çka edhe ka bërë shumë ankesa në PZAP dhe Gjykatën Supreme për manipulim me vota por ankesat e tij janë hudhur posht nga këto institucione.

Se Ekremi po shihet me si pasues i Veliut në Podujevë tregonë fakti se ai u bë anëtar kryesie në qendër pa qene fare as delegatë. Ardhja e Lumir Abdixhikut si duhet ka sjell frymë të re në këtë subjekt politik.

Por kjo frym si duket ka ardh edhe në degën e LDK-së në Podujevë. Burime të sigurta të PodujevaPRESS tregojnë se është arritur marrëveshje mes Agim Veliut dhe Ekrem Hysenit. Kjo ka ndodh para pak ditësh në një restaurant në Podujevë, ku ishte i pranishëm edhe vet kryetari i LDK-së Lumir Abdixhiku.

Në takim është rënë dakord që Ekrem Hyseni të jetë kandidat i LDK-së për kryetar të Podujevës, kurse kërkesa e Agim Veliut ka qenë që degën ta udhëheqë një mik i tij, Vezir Januzi deri në mbajtjen e zgjedhjeve të reja në degë.

Vezir Januzi ka qenë disa here drejtor i Bujqësisë në Komunën e Podujevës si dhe zv/ministër i Bujqësisë në Qeverinë e Kosovës.

Si duket hasmëria mes Ekremit dhe Agimit është larguar dhe ata së bashku pritet ta sfidojnë Lëvizjen Vetëvendosje në Podujevë e cila udhëheq me komunën nga nëntori i vitit të kaluar./PodujevaPRESS/