Deputetja e VV’së i bën përgjegjëse PDK’në e LDK’në për thyerjen e xhamit të autobusit

Deputetja e Vetëvendosjes, Albulena Haxhiu, i ka shpallur fajtorë dy partitë politike – PDK e LDK – për thyerjen e një xhami të një autobusi të ri në Prishtinë.

Ka thënë se hienat e PDK’së dhe LDK’së janë në siklet të madh dhe kanë nisur t’i gjuajnë me gurë autobusët e rinj të Prishtinës.

“Hienat e PDK dhe LDK assesi nuk po munden me e përballu qeverisjen e mirë në Prishtinë! Nuk po munden në asnjë mënyrë me i përballu ndryshimet pozitive në favor të qytetarëve të Prishtinës sepse janë mësuar që pushtetin ta shfrytëzojnë për pasurim të tyre dhe jo në shërbim të qytetarëve! Janë në siklet të madh saqë edhe xhamat e autobusëve kanë nisë me i thy!”, ka shkruar Haxhiu.

Ndërkohë, Policia ka njoftuar se ende nuk ka asnjë të arrestuar lidhur me këtë sulm ndaj pronës publike.