Aksident trafiku në Podujevë mes dy veturave dhe një motoçiklete, tre persona të lënduar

Një aksident trafiku ka ndodhur sonte në Podujevë, saktësisht në rrugën “Skënderbeu”, ku tre persona kanë mbetur të lënduar.

Aksidenti ka ndodhur mes dy veturave dhe një motoçiklete. Në lidhje me këtë rast Indeksonline ka kontaktuar Zëdhënësen e Policisë së Kosovës për rajonin e Prishtinës, Flora Ahmeti.

“Sot rreth orës 18:30 kemi pranuar informatën se në rrugën “Skënderbeu” në Podujevë, ka ndodhë një aksident trafiku në mes të dy automjeteve dhe një motoçiklete. Si pasojë e aksidentit lëndime trupore kanë pësuar tre persona. Të njejtit janë dërguar për trajtim mjekësor. Me rastin po merret njësiti i trafikut”, u shprehë ajo.