Drejtori i Inspekcionit në Podujevë falenderon mediet për raportime, arsyetohet se punët “llugë” u’a la pushteti i kaluar
Dje, PodujevaPRESS ka raportuar se inspekcioni komunal më shumë po merret me taksit ilegal në qytetin e Podujevës sesa me ndërtimet pa leje që po ndodhin në disa pjesë të qytetit.
Kjo ka ardh si informacion i qytetarëve të cilët na kanë njoftuar se deri dje asnjë mas nuk është ndërmarrë nga komuna, kurse disa qytetarëve tjerë u janë ndalë punimet. Ata kanë kërkuar që të gjithë të trajtohen të barabart.
Për këtë na kanë dërguar edhe disa foto të ndërtimeve të siç na kanë thënë ata pa leje, por për hir të korrektësisë nuk i kemi publikuar deri në verifikimin e plotë të të gjitha këtyre vendeve.
Por i menjëhershëm ka qenë Drejtori i Inspekcionit Ajet Potera i cili ka falenderuar mediet për raportimet dhe duke kërkuar që të raportohet më shumë, “Shkruani më shumë, mos i kurseni zyrtarët, mbroni interesat ligjore të qytetarëve! Ndihmoni edhe ju qytetarët se si të realizojnë të drejtat e tyre. Ka aq shumë dukuri negative në Komunën e Podujevës. Pres të shkruani më shumë, ka mjaft për çka të shkruhet!”ka shkruar Potera.
Gjithashtu ai ka fajësuar pushtetin e kaluar sidomos për problemet me KEDS-in për vendosjen e shtyllave të betonit në trotuare e probleme të ngjajshme. Ai ka publikuar edhe një aktvendim të nënshkruar nga ish drejtori i Urbanizmit Hamdi Jaha për lejet e dhëna KEDS-it, për çka dje një medie tjetër lokale në Podujevë ka shkruar se Potera e ka harruar premtimin e tij se do ti lirojë trotuaret nga orët e rrymës të vendosura nga KEDS nëpër Podujevë.
PodujevaPRESS i kujton zotit Potera se janë bërë 100 ditë dhe e kuptojmë se për 100 ditë nuk bëhen mrekulli por nëse një Aktvendim i till i cili mund të jetë në kundërshtim me rregullat dhe kërkesat e qytetarëve mund të shfuqizohet nga vet ekzekutivi i ri, konkretisht nga kryetari Shpejtim Bulliqi dhe Drejtoria e Urbanizmit, sepse ai nuk është Ligj e as Kushtetutë.
PodujevaPRESS do të vazhdojë të raportojë për punët e mira që bëhen por edhe për reagimet e qytetarëve dhe do të mbikqyrim punën e ekzekutivit në maksimum.
PodujevaPRESS do të jetë në shërbim të publikut.
