Tri ura te reja do të ndërtohen në Komunën e Podujevës

Me Ministrin në detyrë të Zhvillimit Rajonal, Enis Kervan është nënshkruar marrëveshje bashkëpunimi për ndërtimin e tri urave të reja në fshatrat Gllamnik, Sfeçël dhe Bajçinë, thuhet në njoftimin e zyrës për informim të kësaj komune, transmeton PodujevaPRESS.net

Në njoftim thuhet se: Kryetari Bulliqi e vlerëson lartë bashkëpunimin me këtë ministri përmes të cilit janë realizuar projekte të dobishme në Komunën e Podujevës.

Gjithashtu shprehet përkushtim i plotë që bashkëpunimi ynë të vazhdojë edhe në të ardhmen. Tri projektet, të cilat do t’i realizojmë përmes këtij bashkëfinancimi janë të rëndësisë së veçantë për qytetarët e fshatrave në fjalë, sidomos këtë vit ku nga vërshimet është dëmtuar shumë infrastruktura rrugore, veçanërisht urat në disa lokalitete.

Ministri Kervan është shprehur i lumtur me përkrahjen që po i bëhet projekteve të Komunës së Podujevës dhe u zotua se do të vazhdohet edhe në të ardhmën me bashkëpunim të frytshëm.

Vlera e përgjithshme e projekteve është 102 mijë euro, në të cilat MZHR do të participojë me 60 mijë euro, ndërsa pjesën tjetër Komuna e Podujevës.