Likaj reagon për shkollën e djegur në Podujevë

Ministri në detyrë i Arsimit, Ramë Likaj, ka reaguar pas dëmtimit nga zjarri të shkollës fillore të mesme të ulët “Ilir Konushefci” në fshatin Llugë të Podujevës.

Ai ka njoftuar se përveç dëmeve në infrastrukturën e objektit, nuk ka të lënduar nga ky rast.

“Në mënyrë që nxënësit të mos humbin asnjë orë mësimore do të ofrohet mësim online. Ministria e Arsimit dhe Shkencës do të bashkëpunojë ngushtë me Komunën e Podujevës që të intervenohet sa më shpejt në pjesën e objektit të dëmtuar nga zjarri dhe nxënësit të kthehen në shkollë për ta vazhduar procesin e rregullt mësimor”, thuhet në njoftim.