Podujeva tani në zonën e verdhë, çka do të thotë kjo?!

Masat e reja kanë ndarë komunat sipas numrit të të infektuarve në tri zona të rrezikshmërisë: zona e kuqe me rrezikshmëri të lartë, zona e verdhë me rrezikshmëri mesatare dhe zona e gjelbër e cila ka rrezikshmërinë më të ulët.

Zona e Kuqe janë vetëm 6 komuna: Prishtina, Fushë-Kosova, Mitrovica e Veriut, Zveçani, Zubin-Potoku dhe Leposaviqi do të ketë orë policore ku përpos mbylljes së aktivitetit ekonomik, ndalohet hyrja dhe dalja e qytetarëve dhe automjeteve nga ora 8 e mbrëmjes deri në orën 5 në mëngjes.

Në komunat në zonën e verdhë në Kosovë nuk do të ketë orë policore ku bënë pjesë edhe Podujeva dhe operatorët ekonomikë nuk lejohen të punojnë nga ora 8 e mbrëmjes deri në orën 5 në mëngjes, ndërsa pas kësaj shërbimet e hotelerisë dhe gastronomisë do të lejohen të punojnë me shërbimin “merre me vete”.

Në komunat në zonën e gjelbër gjithashtu nuk do të ketë orë policore ndërkaq operatorëve ekonomikë nuk u lejohet puna nga ora 8 e mbrëmjes deri në ora 5 në mëngjes, ndërsa pas kësaj shërbimet e hotelerisë dhe gastronomisë do të lejohen të punojnë me shërbimin “merre me vete”.

Në të gjitha komunat transporti publik do të lejohet të punojë me kapacitet të reduktuar.