Nesër bëhet varrimi i pjesëtarit të FSK-së në Llapashticë të Poshtme, që mbrëmë i dha fund jetës

Koloneli Gyrner Murati i dha fund jetës së tij mbrëmë në ‘’Parkun e Arbërisë’’ në Prishtinë.

FSK ka njoftuar se varrimi i të ndjerit do të bëhet nesër në orën 15:00 në fshatin Llapashticë e Ulët të Podujevëa.

Gyner Murati ishte pjesëtar i UÇK-së në Zonën Operative të Llapit, kurse pas transformimit ka shërbyer në Trupat Mbrojtëse të Kosovës dhe që nga themelimi i FSK-së ka ushtruar pozita udhëheqëse.

“Gyrner Murati ka lindur me 15.01.1973 në Llapashticë të Ulët Komuna e Podujeve, ka qenë pjesëtar i UÇK-së në Zonën Operative të Llapit, pas transformimit ka shërbyer në Trupat Mbrojtëse të Kosovës dhe që nga themelimi i Forcës së Sigurisë së Kosovës ka shërbyer në pozita udhëheqëse, së fundmi Shef i Departamentit të Komunikimit në Shtabin e Përgjithshëm të FSK-së, pas vetës i ndjeri ka lënë bashkëshorten dhe tre fëmijë, dy djem dhe një vajzë”, thuhet në njoftimin e publikuar nga FSK-ja.