Bulliqi e quan veprim të papranueshëm arrestimin e 2 kosovarëve nga policia serbe, kërkon menjëherë lirimin e tyre

Kryetari i Komunës së Podujevës, Shpejtim Bulliqi, përmes një postimi të bërë në FB ka reaguar ndaj dy kosovarëve të arrestuar, pasi të njëjtit dolën në territorin e Serbisë.

Bulliqi, ka thënë se ky është një veprim i papranueshëm, derisa thotë se të njëtit u arrestuan në rrethana të pasqaruara derisa kishin dalë të ecnin brenda territorit të komunës sonë, përgjatë brezit kufitar.

Ky është postimi i plotë:

Arrestimi nga policia serbe i dy qytetarëve të komunës sonë gjatë ditës së shtunë, njëri prej tyre këshilltar në Kuvendin e Komunës së Podujevës, është një veprim i papranueshëm.

Ata janë arrestuar në rrethana të pasqaruara derisa kishin dalë të ecnin brenda territorit të komunës sonë, përgjatë brezit kufitar.

Ndonëse, nuk kemi asnjë informatë nga shteti serb, as nga institucionet tona kompetente të sigurisë, duke dënuar aktin kërkoj nga shteti serb që t’i lirojë menjëherë dy qytetarët tanë, që po mbahen të ndaluar.