Ndryshon lista e zonave me rrezikshmëri nga koronavirusi në Kosovë, por Podujeva mbetet në zonën e kuqe

Ministria e Shëndetësisë ka njoftuar për masat e reja anti-Covid, ku tashmë pas rritjes së numrit të rasteve të reja NGA 21 komuna që shin në zonën e kuqe, këtë javë do të jenë 16, shkruan Gazeta Metro.

Zemaj ka theksuar se numri i vdekjeve ende mbetet i lartë, ani pse numri i të infektuarve ka rënë.

Ai në një konferencë për media të premten ka treguar për rangimin e komunave, marrë parasysh numrin e personave të infektuar.

Gjatë javës së fundit, 21 komuna ishin në zonën e kuqe, ndërkaq këtë javë do të jenë 16. Në zonën e verdhë janë 9 komuna, ndërkaq në të gjelbrën kanë kaluar 13 komuna.

“Numri i vdekjeve në këto dy periudha është i njëjtë, në ecurinë e pandemisë është vërtetuar që numri i vdekjeve mbetet i lartë edhe disa javë pas fillimit të rënies së numrit të rasteve…. Sot kemi rangimin e ri të komunave në bazë të numrit të të infektuarve gjatë javës në 100 mijë banorë. Në zonën e kuqe kemi ndryshime, tani janë vetëm 16 komuna, në zonën e verdhë janë 9 komuna, dhe në zonën e gjelbër nga përmirësimi i situatës epidemiologjike kanë kaluar 13 komuna”, ka thënë Zemaj.

Ai u ka bërë thirrje qytetarëve që të jenë të kujdesshëm, dhe të zbatojnë masat anti-COVID, meqë sipas tij gjendja është serioze. Ai ka pohuar se spitalet janë mbi-ngarkuar, për çka bëri thirrje për kujdes të qytetarëve.

Kujtojmë, që brenda 24 orëve janë raportuar 13 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 3 raste (83, 59, 54 vjeç), Pejë 2 raste (77, 72 vjeç), Prizren 2 rast (89, 81 vjeç), Viti 1 rast (78 vjeç), Podujevë 1 rast (76 vjeç), Suharekë 1 rast (81 vjeç), Drenas 1 rast (88 vjeç), Gjakovë 1 rast (81 vjeç), Rahovec 1 rast (69 vjeç).

Gjatë 24 orëve të fundit, janë shëruar 696 pacientë derisa numri i përgjithshëm i të shëruarve deri më sot është gjithsej 32.498 raste, kurse numri i rasteve aktive është 11.922.

Numri total i rasteve pozitive është 45.594 raste nga 160.352 persona të dyshimtë në virusin SARS-CoV-2 dhe 1.174 raste të vdekjes.

këto janë komunat në zonën e kuqe:

Prishtina, Fushë Kosova, Obiliqi, Mitrovica e Jugut, Mitrovica e Veriut, Zveçani, Zubin Potoku, Gracanica, Leposaviqi, Lipjani, Kamenica, Drenasi, Kllokoti, Gjakova, Podujeva dhe Gjilani.