Në këtë ditë jep betimin Shpejtim Bulliqi si kryetar i Podujevës

Dita e hënë do të jetë edhe dita e parë e punës për Shpejtim Bulliqin, si kryetar i Podujevës. Pasi që ai këtë ditë do ta bëjë betimin para asamblesë komunale, njofton PordujevaPRESS.net

Kjo u bë e ditur nga shefi i Grupit të Asambleistëve të Vetëvendosjes në Podujevë, Vendenis Lahu.

Ai ka shkruar në profilin e tij në Facebook se janë dakorduar në parim që, pas certifikimit të rezultateve zgjedhore, të thërrasin për ditën e hënë seancën solemne për dhënien e betimit nga Kryetari i ri i Komunës.

Ky është shkrimi i tij:

Sot, në cilësinë e Shefit të Grupit të Asamblistëve të Vetëvendosjes!, në orët e paraditës, pata disa konsulta me Kryesuesin e Kuvendit Komunal te Podujevës, me ç’rast u dakorduam në parim që, pas certifikimit të rezultateve zgjedhore, të thërrasim për ditën e hënë seancën solemne për dhënien e betimit nga Kryetari i ri i Komunës.

Pas certifikimit të rezultateve sot në mesditë, z.Bulliqi është edhe zyrtarisht Kryetar i Komunës së Podujevës. Në orët e pasditës, kryetari Bulliqi nënshkroi thirrjen e seancës solemne për dhënien e betimit.

Seanca solemne ku do të japë betimin kryetari i ri, është caktuar për ditën e hënë, në ora 10:00.

Urime të gjithë qytetarëve që e bënë të mundshne këtë gjë!

Na priftë e mbara!