Protestë në 47 vjetorin e themelimit të UP-së, policia përdor gaz (Video+foto)

Në ceremoninë që po zhvillohet për të shënuar 47 vjetorin e themelimit të Universitetit të Prishtinës “Hasan Prishtina, në objektin e Rektoratit të UP-së, planet nuk shkuan sipas agjendës.

Kjo pasi një grup studentësh kanë ndërprerë fjalën e rektorit të UP-së, Marjan Dema, të cilët brohorisnin me fjalët “ne jemi studentë, ju jeni pushteti”, duke penguar për disa minuta fjalën e tij.

Po ashtu, ata i janë drejtuar rektorit me fjalët, “e keni shkatërruar UP-në”.

Ata janë larguar nga sigurimi, ndërsa ata janë përleshur edhe me policinë e Kosovës jashtë ndërtesës së Rektoratit.

Në këtë rast është përdorur edhe spreji lotsjellës nga forcat policore për të larguar studentët e revoltuar. /Gazeta Express/