A do të mbahen zgjedhjet në Podujevë?

Kanë mbetur më pak se 2 javë nga mbajtja e zgjedhjeve lokale në Podujevë dhe Mitrovicë të Veriut. Por, çdo ditë e më shumë po rritet dilema nëse zgjedhjet në do të mbahen, apo do të shtyhen. Krejt kjo për shkak të situatës epidemiologjike në vend.

13 ditë para zgjedhjeve në Podujevë dhe Mitrovicë të Veriut, situata pandemike në vend është shqetësuese. Trendi i rënies së numrave me Covid19 nuk është në rënie, ndërsa edhe numri i vdekjeve është shqetësues ditëve të fundit.

Indeksonline mëson se opsioni i shtyerjes së zgjedhjeve në këto dy komuna është duke u shqyrtuar seriozisht. Ka dyshime të bazuara se mbajtja e zgjedhjeve mund të shtonte gjasat për rritjen e të infektuarve.

KQZ ditë më parë ka vendosur që për zgjedhjet lokale në Podujevë, fushata të zgjasë pesë ditë, nga 23 deri më 27 nëntor. Edhe fushata lokale po shikohet si rrezik permanent që ne vend të rritet numri i të infektuarve nga koronavirusi./Indeksonline/