Reagon Naim Fetahu: Vendim i rënd për Podujevën, qytetarët dhe bizneset!

Kryeministri Hoti ka njoftuar se të gjitha masat e reja të publikuara sot në konferencë do të hyjnë në fuqi të premten në orën 19:00.

Hoti ka njoftuar se sot do të mbahet një mbledhje virtuale e Qeverisë, ku do të hidhen në votim, ndërsa dy ditë më pas do të hyjnë në fuqi.

Në këto masa përfshihet edhe Podujeva.

E për këtë ka reaguar në facebook kandidati për kryetar i PDK në Podujevë, Naim Fetahu.

Fetahu ka thënë ky është një vendim i rënd për Podujevën, qytetarët dhe bizneset!

“Në të njëjtën ditë që kjo qeveri nuk arriti as ta procedojë Ligjin për Rimëkëmbje Ekonomike, kryeministri i vendit vendosi që t’i japë edhe një goditje tjetër bizneseve, ekonomisë dhe të gjithë qytetarëve të disa prej komunave në Kosovë, përfshirë Podujevën. Nga e premtja, në Podujevë do të rikthehet ora policore, prej orës 19:00 deri në 05:00 të mëngjesit. Ndërkaq, gjatë ditës, bizneset do të “funksionojnë” nën masa të rrepta sigurie – e të cilat sot u kërcënuan nga kryeministri se do të rrezikojnë edhe mbylljen e plotë të tyre. Kjo është më e pakta që ka pasur nevojë Podujeva dhe Kosova për momentin. Ta mbytet edhe ekonomia. Kjo qeveri përfundimisht ka humbur arsyen, dhe, në fakt, është shëndrruar në kundërshtaren më të madhe të qytetarëve të Republikës së Kosovës”, ka thënë Fetahu