Arrestohet Jakup Krasniqi, dërgohet për në Hagë

Pas 9 orë bastisje të shtëpisë së tij dhe marrjes në intervistë është arrestuar Jakup Krasniqi.

Këtë e ka konfirmuar avokati i tij Valon Hasani, i cili ka thënë se Krasniqi është dërguar në Hagë.

Ai ka thënë se është ngritur aktakuzë ndaj tij dhe shpejt pritet të mbahet seanca.

Ai ka thënë se urdhërarresti është dorëzuar sot.

“Sot prokuroria ka pasur aksion dhe në bazë të urdhrit është arrestohet Krasniqi. Ai është nisur në Hagë dhe shumë shpejtë do të dalë para gjykatës. Tani sapo përfundoi bastisja, dyshohet për vepra të cilat nuk janë të specifikuara por janë në kuadër të veprave që bien nën juridiksionin e Speciales. Ka pasur një aksion dhe në bazë të urdhërit të Dhomave të Specializuar është bërë arrestimin i z. Jakup Krasniqi. Tani sapo është nisur për në Hagë. Është konfirmuar aktakuza kundër tij dhe pritet shpejt të vendoset seanca”, ka thënë ai, shkruan Reporteri.net.

Ai ka thënë se Krasniqi dyshohet për veprat që nuk janë të specifikuara, por bien nën juridiksionin e Dhomave të Specializiara.

Pas arrestimit të Krasniqit janë larguar veturat e EULEX-it nga shtëpia e ish-kryekuvendarit, ku po po qëndronin aty që nga ora 06:00 e mëngjesit.

Përveç në Prishtinë, është bastisur edhe shtëpia e Krasniqit në fshatin Negroc të Drenasit. /Reporteri.net/.