Aksident në Bajçinë të Podujevës, lëndohen dy persona |Pamje
LDK e AAK nisin “kapjen” e bordeve: Dy anëtarët e bordëve të përkohshme të emëruar sot janë nga dy partitë në pushtet
Është bërë “trend” që në borde të emërohen njerëz të afërt me partitë të cilat janë në pushtet.
Një praktikë e tillë, duket se po përcillet vazhdimisht, e këtij fenomeni që kritikohet nga çdo subjekt politik, të paktën sa është në opozitë, nuk ka mundur t’i ikë as koalicioni qeverisës aktual, në krye me LDK-në.
Sot, Qeveria e Republikës së Kosovës, ka mbajtur mbledhjen e 36-të me radhë, derisa u morën një sërë vendimesh, mes tyre edhe emërimi i Bordeve të Përkohshme të Ndërmarrjeve Publike, të cilave ju ka skaduar mandati.
Është vet Zyra e Kryeministrit ajo që ka bërë të ditur emrat e ri, e ajo çka vërehet është edhe punësimi i disa emrave të cilat tashmë janë të njohur si nga opinioni ashtu edhe nga organet e drejtësisë, shkruan IndeksOnline.
Në Ndërmarrjen Publike “Trepça” në mesin e anëtarëve të emëruar është edhe Esat Peci, i njëjti vjen nga radhët e Aleancës për Ardhmërinë e Kosovës, i njëjti madje në zgjedhjet lokale të tri viteve më parë, kishte garuar për kryetar të Komunës së Mitrovicës.
E në zgjedhjet e fundit parlamentare, për deputet në radhët e LDK-së, ishte Brahim Selimaj, i cili garoi me numrin 65, por që s’arriti të merr vota të mjaftueshme. Por, partia e tij e shpërbleu sot me një post, atë të kryesuesit të Ndërmarrjes Publike “Infrakos”.
Ndërsa, kryesues në Ndërmarrjen Publike Posta e Kosovës, qeveria e udhëhequr nga Hoti, sot emëroi Leonard Shabanajn.
Ky i fundit, në nëntor të vitit 2017, u lirua nga akuza për keqpërdorim të detyrës zyrtare, vepër kjo për të cilën u ngarkua në kohën sa ishte shef i Administratës dhe Shërbimeve Teknike në kuadër të Drejtorisë Komunale të Arsimit në Pejë.