QKMF-ja në Podujevë pajiset me termometër digjital, mat temperaturën e 7 personave në të njëjtën kohë

Kryetari në detyrë i Podujevës, Nexhmi Rudari, ka njoftuar se QKMF-ja në Podujevë është pajisur me termometër digjital.

Rudari ka bërë të ditur se termometri digjital për 30 sekonda bën matjen e temperaturës për 7 persona, në të njëjtën kohë dhe nga një distancë 5 metra.

“QKMF në Podujevë falë një donacioni nga USAID, është pajisur me termometër digjital, i cili për 30 sekonda bën matjen e temperaturës deri të 7 personave, në të njëjtën kohë dhe nga një distancë 5 metra. Ky termometër është me rëndësi të veçantë, sidomos në këtë kohë kur po përballemi me pandeminë COVID-19”, ka thënë Rudari.