Policia e Kosovës kontrollon një lokal në Podujevë, dyshohet për organizim të skemave piramidale

Policia e Kosovës (PK), përmes raportit 24 orësh, ka bërë të ditur se 25 gusht 2020, rreth orës 21:30, me urdhër të gjykatës ka kontrolluar një lokal në qytetin e Podujevës.

Sipas PK-së, duke zbatuar urdhrin e gjykatësit të procedurës paraprake, nga lokali në pronësi të një të dyshuari mashkull, shtetas i Kosovës, janë konfiskuar pajisje teknologjike, mes tyre shtëpiza kompjuteri dhe printer.

Siç bën të ditur Policia, janë konfiskuar edhe tiketa basti.

“Rr. Xhamajl Mustafa, Podujevë 25.08.2020 – 21:30. Me urdhër të gjyqtarit të procedurës paraprake, është kontrolluar lokali pronë e të dyshuarit mashkull  kosovar  me ç ‘rast janë gjetur dhe konfiskuar katër shtëpiza kompjuteri, një printer dhe disa tiketa basti”, thuhet në raportin e Policisë së Kosovës.