Kuvendi i Komunës së Podujevës mbajti mbledhjen e rregullt ku diskutojë për këto çështje

30/07/2020 5 min read

Kuvendi i Komunës së Podujevës në mbledhjen e rregullt ka diskutuar për informatat e paraqitura nga drejtoritë e Arsimit, Shërbimeve Publike, Mbrojtje dhe Shpëtim dhe Shëndetsisë dhe Mirëqenies Sociale dhe ka miratuar propozimin për ngritjen e Komisionit për zhvillimin e procedurave për përzgjedhjen e drejtorëve dhe zëvendësdrejtorëve në institucionet edukativo-arsimore në Komunën e Podujevës, thuhet në njoftimin për publikun nga zyra për informim e kësaj komune, transmeton portali PodujevaPRESS.net

Në njoftim thuhet se: Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi Fatmir Gashi, e ku të pranishëm ishin edhe anëtarët e ekzekutivit.

Në fillim të punimeve të seancës me kërkesë të këshilltarit nga radhët e LDK-së, Adnan Zymeri në nderim të jetës dhe veprës së ish kryesuesit të Kuvendit të Komunës së Podujevës, profesor Hazir Raçi, u mbajt një minutë heshtje.

Në pikën e parë të rendit të ditës, drejtori i Arsimit, Agim Blakçori, paraqiti informatë për gjendjen në arsim, pas përfundimit të vitit mësimor 2019/2020.

“Drejtoria e Arsimit ka ndërmarrë të gjitha masat e nevojshme për t’i krijuar kushtet për mbarëvajtjen e procesit mësimor në këtë vit shkollor. Periudha e parë e këtij viti kishte përfunduar sipas planifikimeve, ndërsa në periudhën e dytë dhe të tretë nuk ka ndodhur e njëjta gjë, si pasojë e gjendjes së krijuar nga Pandemia COVID-19” tha drejtori Blakçori.

Ai tha se, me shpalljen e pandemisë globale nga OBSH-ja është marr edhe vendimi për ndërprerjen e procesit edukativo-arsimor në institucionet arsimore publike dhe private në të gjitha nivelet.

“Alternativa krahas kësaj gjendje për vazhdimin e mbajtjes së mësimit nga MASHTI gjeti zbatim edhe në qytetin tonë sikurse në vendet tjera. Bazuar në raportet e rregullta që kemi nga drejtorët e shkollave vërehet se kemi një mobilizim të mirë të gjithë akterëve në realizimin e mësimit në distancë dhe një pjesëmarrje të konsiderueshme të nxënsësve në këtë proces” tha Blakçori.

Në fund të informatës ai ka falenderuar të gjithë mësimdhënësit e Komunës së Podujevës për punën dhe përkushtimin e tyre në organizimin e mësimit në distancê.

Lidhur me këtë infomatë kanë diskutuar asambleistët Arlinda Kadriu (LDK), Avni Fetahu (LVV), Pajtim Hodolli (PDK) dhe Rafet Llapashtica.

Në lidhje me pikën e dytë të rendit të ditës, drejtori i DSHPMSH, Faik Muçiqi, informoi Kuvendin në lidhje me situatën e përgjithshme në çështjet që mbulon kjo drejtori, duke veçuar si çështjen e furnizimit me ujë, menaxhim të mbeturinave, furnizim me rrymë dhe shërbime të tjera.

“Në Komunën e Podujevës, në këtë periudhë situata e furnizimit me ujë ishte e kënaqshme, ndërsa numri i ekonomive familjare të përfshira në sistem të menaxhimit të mbeturinave, pritet të shtohet në muajin gusht, ku ekipet e përbashkëta nga Komuna dhe kompanitë do të dalin në secilin fshat me një fushatë informuese për të ndikuar që ekonomitë familjare të futen në sistem. Edhe sa i përket furnizimit me rrymë, gjendja në Komunën e Podujevës është stabilizuar dukshëm dhe do të vazhdojnë më investime në rrjet në tërë territorin e Komunës së Podujevës”, tha drejtori Muçiqi.

Lidhur me këtë informatë diskutuan asambleistët Valbonë Kadriu-Podvorica (LDK), Pajtim Balaj (LVV) dhe Fatmir Rudari (PDK),

Ndërsa drejtori i Shëndetsisë dhe Mirëqenies Sociale, Zaim Thaçi, në informatën rreth gjendjes së krijuar nga pandemia COVID-19 tha se “Në territorin e Komunës së Podujevës, që nga marsi i këtij viti nga Podujeva janë testuar gjithsej 840 persona, ku 234 raste kanë rezultuar pozitive me COVID-19. Ndërsa tani kemi 114 raste që janë shëruar, 112 aktive dhe 8 raste exitus (të vdekur)”, tha drejtori Thaçi.

Ai tha se gjatë kësaj periudhe rreth 3000 raste janë vizituar nga ekipa mjekësor Anti-Covid të cilët janë në dispozicion 24 orë në shërbim të qytetarëve. Ndërsa ekipa mjekësore e vendosur në pikën kufitare Merdarë ka regjistruar rreth 32 mijë vizita mjekësore.

Drejtori Thaçi tha se QKMF në Podujevë çdo ditë merr mostra të personave të dyshuar me COVID-19 që janë prej 15 deri në 25 mostra.

“Në kuadër te udhëzimeve të IKSHPK, OBSH-së dhe kapaciteteve të nivelit Komunal, kemi bërë dezinfektime të vazhdushme të hapësirave të nevojshme duke filluar nga QKMF, deri në oridinacat dhe shtëpit e personave të cilët kanë rezultuar pozitivë”, tha ai.

Për këtë pikë të rendit të ditës diskutuan, Afrim Shabani (LDK), Adelina Stublla (LVV), Avni Islami (BKD), Bajram Ajeti (LVV), Doruntinë Hasani (LVV), Vendenis Lahu (LVV), Rafet Llapashtica (PDK).

Në fund, Kuvendi miratoi propozimin për ngritjen e Komisionit për zhvillimin e procedurave për përzgjedhjen e drejtorëve dhe zëvendësdrejtorëve në institucionet edukativo-arsimore në Komunën e Podujevës në përbërje: Selman Gashi, zyrtar për çështje pedagogjike në Drejtorinë e Arsimit (kryesues), Luljeta Shala, përfaqësuese e Këshillit të Prindërve (anëtare) dhe përfaqësuesi i MASHT-it, i cili caktohet nga kjo ministri.

Kuvendi i Komunës së Podujevës mbajti mbledhjen e rregullt ku diskutojë për këto çështje

Leave a Reply Cancel reply

Podujevë: I mituri kapet në flagrancë me

Dhunë dhe kërcënime, 55-vjeçarja nga Podujeva e

Llapjani ndalohet nga Polcia, kjo është arsyeja

KESCO kërkon që të kursehet energjia elektrike:

Podujevë: I mituri kapet në flagrancë me

Dhunë dhe kërcënime, 55-vjeçarja nga Podujeva e

Llapjani ndalohet nga Polcia, kjo është arsyeja

Adresa

Kontakti

Menu

Na ndiqni:

Rreth Nesh

Marketing

Më të rejat

Podujevë: I mituri kapet në flagrancë me armë zjarri, përfundon në Polici

Dhunë dhe kërcënime, 55-vjeçarja nga Podujeva e denoncon burrin dhe kërkon urdhër

Llapjani ndalohet nga Polcia, kjo është arsyeja

Kuvendi i Komunës së Podujevës mbajti mbledhjen e rregullt ku diskutojë për këto çështje

Share This:

Leave a Reply Cancel reply

Adresa

Kontakti

Menu

Na ndiqni:

Rreth Nesh

Marketing

Më të rejat