Merret vendimi për faljen e Kurban Bajramit

Qeveria e Kosovës ka miratuar masat e reja me qëllim të parandalimit të përhapjes dhe kontrollit të infeksionit COVID-19.

Sipas njoftimit, pas analizës së situatës epidemiologjike në vend, ministri i Shëndetësisë, Armend Zemaj, ka pranuar rekomandimet e Institutit Kombëtar të Shëndetësisë Publike për ndërmarrjen e masave të reja, me qëllim të parandalimit të përhapjes së infeksionit COVID-19.

Në mesin e tyre, Qeveria Hoti, ka marrë vendim që mos të kryhen ritet fetare e as ceremonitë.

Kjo i bie që me këtë vendim, festa e Kurban Bajramit, nuk mund të kryhet me ceremoni fetare.

“Ndalohet pjesëmarrja fizike e qytetarëve në të gjitha ceremonitë dhe veprimtaritë fetare në tërë territorin e Republikës së Kosovës”, thuhet në njërin nga vendimet e Qeverisë.