“Isa Mustafa i ka vetëm dy rrugë”

Sekretari i Nismës për Kosovën, Bilall Sherifi i ka reaguar kryeministrit.

Ai në një shënim në Facebook tha se Isa Mustafa nuk ka gjasa që ta kaloj këtë version të demarkacionit, raporton Gazeta Blic.

Shënimi i plotë:

Numra apo deputet që përfaqësojnë dikend dhe diçka?!
Sa herë që opozita kërkon dorëheqjen e qeverisë, kryeministri Isa Mustafa, menjëherë, pa u menduar fare thot se nuk japin dorëheqje, pse duhet thot të japim dorëheqje, numrat i kemi me bollëk!

Madje, nuk ngurron fare të mbajë edhe leksione demokratike, duke thënë: “Kështu funksionon demokracia, kush i ka numrat i merr vendimet”. Numrat pra, a keni vënë re, ka kohë që eksponentët e koalicionit qeverisës, deputetëve iu referohen jo më si deputet të cilët përfaqësojnë dikend dhe diçka, por vetëm si numra.

Meqë deputetët i sheh vetëm si numra, ky nuk mund të pajtohet me faktin se ja tani për këtë çështje numrat nuk i ka. Pra, kur të njejtët “numra”, e mbajnë qeverinë në pushtet, janë të mirë dhe vendimi i tyre është i drejtë dhe i vlefshëm, prandaj opozitës nuk i mbetet gjë tjetër pos të pranojë vendimin e shumicës së numrave.

Por, e njëjta gjë nuk vlenë kur “numrat”, pra deputetët, nuk pajtohen me “lartmadhërinë” e tij, kryeministrin e shumicës së “numrave” në parlament. Kur “numrat” nuk i ka në shumicë në anën e tij, ai bëhet nervoz dhe nuk ngurron që edhe t’i akuzojë të gjithë ata deputet që nuk mendojnë sikur ai, se po e dëmtokan Kosovën. Kur bëhet fjalë për respektimin e vendimit të shumicës, kryeministri ka dy standarde, një standard kur i pëlqen vendimi i shumicës dhe një tjetër kur nuk i pëlqen. Tani, meqë vendimi i shumicës së deputetëve është kundër versionit të tij për demarkacionin, ai ka vendosur të mos e respektojë. Në demokraci, qeveria është punëmarrësi ndërsa parlamenti punëdhënësi. Por Isa Mustafa si punëmarrës që është, nuk po e respekton vemdimin e punëdhënësit të tij dhe po kërkon ta deryrojë parlamentin të veprojë sipas dëshirës së tij.

Duke mos e respektuar vendimin e shumicës, pse nuk po pranon ta ratifikojë versionin e marrëveshjes për demarkacion, qeveria për një vit e ka bllokuar liberalizimin e vizave dhe procesin e integrimeve euroatlantike. Kjo ndryshe quhet PUÇ i qeverisë mbi parlamentin.

Kjo qeveri ka dy alternativa, ose të pranojë faktin që shumica e deputetëve nuk e votojnë këtë version të marrëveshjes për demarkacion të kufirit me Malin e Zi, ose të heqë dorë së përfaqësuari këtë shumicë që nuk ia voton projektet e tij dhe t’i hapë rrugë zgjedhjeve të reja përmes së cilave do të krijohej një shumicë parlamentare e cila qeverisë së saj ia miraton projektet!/Gazeta Blic/