Ambasada Amerikane reagon ashpër pas veprimeve në Kuvend: Populli i Kosovës meriton më mirë

Ambasada Amerikane ka reaguar pas inicidentit të mbrëmshëm në Kuvend, ku deputeti Xhavit Ukaj iu vërsul kryetares së Kuvendit, Vjosa Osmani.

Në reagimin e Ambasadës, thuhet se Kuvendi i Kosovës po humb kohë më sulme personale, teksa kanë thënë se që dy muaj, janë duke iu bërë thirrje partive që ta ulin retorikën e politizuar dhe të bashkohen për të gjetur zgjidhje ekonomike dhe shëndetësore, për shkak të koronavirusit.

Në fund, në shkrimin e Ambasadës Amerikane, thuhet se: Populli i Kosovës meriton më mirë.

“Dy muaj më parë, u bëmë thirrje të gjitha partive që të ulin retorikën e politizuar dhe të bashkohen për zgjidhjen e krizës ekonomike dhe shëndetësore.

Kuvendi ka humbur kohë për shpërqendrime dhe sulme personale në vend që të kryejë përgjegjësitë e tij. Populli i Kosovës meriton më mirë”, thuhet në reagimin e Ambasadës.

https://www.facebook.com/kosovo.usembassy/posts/4748518631840921