Doktori kosovar: Rreth 200 mijë të infektuar me covid-19 në Kosovë

Doktori Ilir Tolaj, ka deklaruar se në Kosovë më nuk duhet të flitet për 1000 të infektuar a 2000.

Sipas tij, në Kosovë janë të infektuar rreth 200 mijë veta.

“Në Kosovë ndoshta janë 200 mijë njerëz që e kanë ose e kanë kaluar COVIDI-19”, ka thënë Tolaj, i cili deklaroi gjithashtu se duhet të përgatitemi që deri në vitin 2022 virusi do të jetë prezent.

“Unë para një muaj kam thënë 100 mijë, tash me siguri ka ardhur në 200 mijë. Nuk po flasim për dy-tre mijë. Ne duhet gjithashtu ta përgatisim popullin që virusi ekziston dhe është vrasës”, ka deklaruar Tolaj në Info Magazine të Klan Kosovës.

Tolaj ka kritikuar punën e Institutit Kombëtar të Shëndetësisë Publike, duke thënë se po bëjnë shumë pak në krahasim me atë se sa do të duhej të bënin.