Vendimi i shtetit të Zvicrës që mund t’ua pamundësojë ardhjen e mërgatës në Kosovë

Rritja e rasteve me koronavirus në Kosovë ka bërë që shteti zviceran të marrë masa për qytetarë që dalin nga ky shtet.

Autoritetet zvicerane, kanë marrë vendim që secili person që del jashtë Zvicrës, në momentin kur kthehen, do të duhet të karantinohen në periudhë dhjetë ditore.

Ky vendim është marrë për disa vende që kanë rritje të rasteve me koronavirus, duke i përfshirë edhe disa vende të Ballkanit Perëndimor.

Siç raportojnë mediat zvicerane, vendimi i marrë nga shteti i Zvicrës, parasheh se që nga 6 korriku, kushdo që kthehet në Zvicër e që ka qëndruar jashtë zonës shengen, do të futet në karantinë për dhjetë ditë.

Ky vendim mund ta pamundësojë ardhjen e mërgatës në Kosovë, pasi që Kosova është jashtë zonës së shengenit dhe se kushdo që nga Kosova hyn në Zvicër e ka të obliguar të hyjë në karantinë.