Apeli i ministrit Zemaj për qytetarët

Ministri i Shëndetësisë, Armend Zemaj, në një konferencë për media tha se shtimi i rasteve me COVID-19 në vend është si pasojë e mosrespektimit të masave“Jemi në fazën e tretë të hapjes graduale ekonomike, shumica e veprimtarive janë lejuar.

Kjo ka ndikuar në shtimin e rasteve pozitive me COVID-19.

Nuk mund të thuhet që ishte e papritur, por për fat të keq ka rezultuar me rritje të numrit të të infektuarëve që kërkojnë tretman mjekësor në Klinikën Infektive.

Kjo është si pasojë e mosrespektimit të masave, nga bizneset dhe qytetarët”, tha Zemaj.Zemaj shtoi se nëse në mbledhjen e sotme është kërkuar nga institucionet relevante që të zbatohen rekomandimet e IKSHPK’së dhe MSh’së, për të mos pasur kthim të masave të mëparme.

“Nëse hapja e veprimtarive nuk shoqërohet me rritje të përgjegjësisë në zbatimin e masave, do të shtrohet dilema se a ia vlenë hapja e mëtejme dhe marrja e masave”, tha Zemaj.