Kabineti i Osmanit thotë që ajo nuk ka kërkuar mbrojtje nga KFOR-i

Sot gjatë ditës u raportuar se kryetarja e Kuvendit, Vjosa Osmani, ka kërkuar mbrojtje personale nga KFOR.

Sipas mediave, në takimin me ambasadorin Michele Risi, Osmani ka kërkuar mbrojtje personale. Këtë gjë, e ka dematuar zyra e Osmanit. Ata për Reporterin kanë thënë se nuk është e vërtetë që është kërkuar mbrojtje.

“Lajmi i publikuar sot në disa media kinse Kryetarja e Kuvendit ka kërkuar mbrojtje personale nga KFOR-i, është i pavërtetë”, thonë kabineti.

Ndërkohë, në raportimin e sotëm, thuhet se Osmani iu kishte thënë ambasadorëve të QUINT-it se ekziston një plan për ta thirrur një seancë të jashtëzakonshme për ta shfuqizuar Gjykatën Speciale. Edhe këtë, zyra e Osmanit e ka quajtur të pavërtetë.

“Poashtu edhe citimi kinse nga takimi i saj me ambasadat e QUINT-it është i pavërtetë, që e bënë komplet lajmin të pavërtetë. Kërkojmë nga mediat respektive që menjëherë ta publikojnë demantimin dhe ta largojnë këtë lajm”, thonë kabineti i kryetares së Kuvendit.

Ndryshe, Vjosa Osmani ka pasur takime me ambasdorët e QUINT-it ditët e fundit, takim që është mbajtur edhe herë të tjera./Reporteri.net