OPINION: Ju lutem mos më mbroni, sepse hisen time të luftës e mbrojë vet

Shkruan: Behram Behluli

Për hisen time të luftës, kam lutje, mos fyeni, hisen time e mbroj vetë, ashtu si di e si mundem, është modeste po është e imja, Thaçi, Albini e Isa janë më të mirë se JU, prej juve gërditëm!

Gërditet njeri kur disa marrin për shkas intervistat për luftën e UÇK-së, për me shly të kaluarën e tyre, donë me u pa e me marrë bajrakun, gjoja për me mbrojtë luftën e UÇK-së.

Kur për këtë shkruajnë e flasin ata që mendojnë se janë dëmtu, arsyeshëm e me maturi është e ndershme e shumë e arsyeshme, por kjo kurrsesi nuk duhet ti hap rrugë disave me u dalldisë e mu çartë.

Gërditesh kur sheh në profilet e disave stemën e UÇK-së, ata që bënin NEJA me policinë e okupatorit serbë , në oda ju bënin “HYZMET”, n’sofër me flija e tortë, ata që organizonin koncerte për ARKANIN e këtë e arsyetonin me thënien se kultura nuk njeh kufijë, ata që shantazhonin shqiptarët duke i kërrcënuar me STUPCË për ta dorëzu një ARMË, e për mos me u rrah deri në vdekje, këta ofroheshin si mësit për ta kryer këtë punë me 2000 marka.

Ata që organizonin ikjen e rinisë duke ju ofrua me dalë prej Kosove ilegalisht për mos me u kthye më, ata që thonin se simboli i rezistencës Adem Demaçi ka “LUAJT”, e ka prishë burgu, ata që për Ibrahim Rugovën thonin se është QYQAN, i cili mendon me i ba pushtet paralelë Serbisë, ata që UÇK-në e quajtën e zeza e këtij populli e Hashim Thaçin terrorist e udbash, e Albin Kurtin spiun të Serbisë.

Unë, për ketë sojë të njerëzve e kam një porsi lutëse, mos ma mbroni qatë HISE timen të luftës, hisen time e mbroj vetë, ashtu si di e si mundem, është modeste po është e imja.

Unë, juve nuk ju urreja e nuk ju thash gjë, edhe atëherë kur ju kënaqeshit bashkë me okupatorin, edhe atëherë kur dezertuat, edhe atëherë kur e lëshuat Kosovën , edhe atëherë kur e dëmtuat luftën me fushat kundër UÇK-së, në vend se të ishit afër meje.

Dua të ju them se mbrojtja e UÇK-së, nga ana juaj mua më tregon se ju me urreni shumë edhe sot e kësaj dite, si në kohën e paraluftës, luftës e pasluftës, ju lutem mos më mbroni!

Për hisen time të luftës kam lutje mos e fyeni asnjërin prej udhëheqëseve, as Thaçin e as Albinin qe besa as Isen, të gjithë këta janë më të mirë se ju, ju mund ti fyeni po për interesa tuaja, jo në emër të luftës.

Kurse të gjithë ata që me arsye janë revoltuar nga intervistat e papërgjegjshme e qe besa edhe qëllim këqija, që bëhen në kohë pa kohë, ruani arsyen se prapë juve që mendoni e punoni pa hile, ka me ju ra hise me mbrojt vendin. Neve na mbron vetëm puna e mirë e përkushtimi për rend e zhvillim.