Memli Krasniqi del nga takimi me Albin Kurtin

Memli Krasniqi ka qenë përfaqësuesi i PDK-së në takimin e thirrur nga kryeministri në detyrë, Albin Kurti, me të cilin u mbajt takim mbi 1 orë.

Krasniqi thotë se në këtë takim mori pjesë për të treguar qëndrimet e PDK-së, shkruan Reporteri.net.

Sipas tij, kjo ftesë është dashur të vijë 6 javë më herët dhe jo sic thotë Krasniqi “të sillen me arrogancë”.

“Ju e diniu që ka më shumë se 1 muaj që ne kemi mbajtur konferenca, dhe kemi dhënë propozime, për fat të keq kemi pasur edhe një sjellje arrogante edhe injoruese nga kryeministri. Sot isha këtu për t’ia përsëritur kryeministrit, për t’iu thënë se kanë bërë gabime të jashtëzakonshme, për t’iu thënë që të krijojnë një lloj bashkëpunimi në mënyrë që të gjithë ta luftojmë bashkë, ata janë sjellur edhe me përcmim edhe me arrogancë, dhe tash kur ka nisur që situate të dalë nga kontrolli, tash kur menaxhimi po bëhet më i vështirë qysh e kemi paralajmëruar ne, një ftesë që do duhej të vinte para 6 javësh së paku, ata e kanë bërë sot”, ka thënë Krasniqi.

Ndërkaq, Krasniqi ka shtuar edhe se I ka përsëritur disa gjëra që, sipas tij, Qeveria dhe Kurti I ka bërë gabim, duke përfshirë edhe qasjen ndaj menaxhimit në veri.

“Në këtë takim i përsërita të gjitha qëndrimet e PDK për të gjitha gabimet e jashtëzakonshme dhe trashanike që ky kryeministër dhe kjo Qeveri ka bërë, e vecanërisht duke marrë vendime të paligjshme që kanë cënuar lirinë e qytetarëve. Pra, ky kryeministër dhe kjo Qeveri e ka shkelur Kushtetutën e vendit. Ky kryeministër dhe kjo Qeveri janë dorëzuar para Serbisë”, ka shtuar ai./Reporteri.net.