Nesër ndryshon orari i lëvizjes për qytetarët: Këtu mund ta mësoni se cili është orari juaj

Sipas vendimit të datës 15 prill 2020, nesër ndryshon orari i lëvizjes për qytetarët në tërë Kosovën, në bazë të shifrës së fundit të numrit personal. Ndryshim më të madh të orarit të lëvizjes kanë numrat e 5, 6 dhe 8, shkruan Gazeta Metro.

Nga data 15 prill ka hyrë në fuqi masat e reja për qarkullim të prezantuara nga Ministria e Shëndetësisë e që janë mjaft të ashpra.

Sipas vendimit dhe tabelës së publikuar nga MSH, qytetarët tashmë kanë të drejtë dalin vetëm 90 minuta në ditë, dhe kjo në bazë të numri të parafundit personal në letërnjoftim.

Mirëpo, ky orar do të jetë i ndryshueshëm. Në çdo të tretën ditë qytetarët do të kenë një orar tjetër gjithsecili për qarkullim.

Nga nesër deri më 20 prill, orari do të jetë i ndryshueshëm ku edhe mund ta shihni më poshtë.

Ky orar ndryshon me datë 21 prill.

Kujtojmë se Ministria e Shëndetësisë ka paralajmëruar ndëshkime të ashpra deri në një mijë euro për të gjithë ata që nuk i respektojnë masat.

Theksojmë se deri sot në Kosovë nga koronavirusi janë konfirmuar 449 të infektuar, 79 nga këta janë shëruar dhe 12 kanë vdekur.